तीन तारे जर्नेललाई लिन नौ वटा पाससहित दुई तारे

तीन तारे जर्नेललाई लिन नौ वटा पाससहित दुई तारे

आज सुडानबाट दुबई हुँदै काठमाडौं आएका तीन तारे जर्नेललाई त्रिभुवन अन्तर्राष्ट्रिय विमानस्थलमा स्वागतको निम्ति नौ जना पुगेका छन् । रथी सरोजप्रताप राणाको स्वागतमा भीआइपी कक्ष छिर्न नौ वटा पास मागिएको हो ।

सेनाले त्रिभुवन अन्तर्राष्ट्रिय विमानस्थल कार्यालयलाई हिजो लेखेको पत्रअनुसार सुडानस्थित राष्ट्रसंघीय मिसनको निरीक्षण भ्रमण गरेर रथी सरोजप्रताप राणाको टोली आज फ्लाई दुबईको उडानबाट काठमाडौं आएको हो । बिहान आउनुपर्ने उक्त विमान तीन घण्टा ढिलो भएको थियो ।

राणाको स्वागतको निम्ति विमानस्थलमा उपरथी प्रेमध्वज अधिकारी पुगेको बताइन्छ । सोही कार्यको निम्ति सैनिक मुख्यालयले लेखेको पत्रमा विमानस्थलको भिआइपी कक्ष खोल्न,ए र एल नम्बरको पाँच थान तथा ए, एल र इ नम्बरको पास चार थान उपलब्ध गराइदिन अनुरोध गरिएको स्रोतको दाबी छ । पत्रमा सैनिक टोलीको लगेज पुरानो आगमनकक्षबाट निकालिदिने व्यवस्थाको लागिसमेत अनुरोध गरिएको थियो ।

टिप्पणीहरू