एमसीसीको माहोल बनाएका चीनविरोधी सुवेदी प्रधानमन्त्रीको परराष्ट्र सल्लाहकार नियुक्त
निर्वाचनको मिति घोषणा गरेर कामचलाउमा परिणत हुनुअघि प्रधानमन्त्री शेरबहादुर देउवाले परराष्ट्र सल्लाहकार नियुक्त गर्नुभएको छ ।
राजनीतिक विश्लेषक भनेर चिनिएका अरुण सुवेदीलाई आज बसेको क्याबिनेट बैठकले प्रधानमन्त्रीको परराष्ट्र सल्लाहकारमा नियुक्त गरेको हो । पूर्व धनकुटा पुर्ख्यौली घर भएका सुवेदी परराष्ट्र मामिलाबारे बेलाबखत राखिने धारणाको कारण विवादमा पर्दै आएका पात्र हुन् । नेपालले असंलग्न परराष्ट्र नीति त्याग्नुपर्ने उनको धारणा सर्वाधिक विवादमा परेको छ । उनीमाथि खुलेआम पश्चिमा शक्तिको समर्थनमा बोल्ने गरेको आरोपसमेत छ ।
यसअघि अमेरिकी सहयोग परियोजना एमसीसी सम्झौताको संसदीय अनुमोदनलाई लिएर राजनीतिक दल, नागरिक समाज,बौद्धिक समुदायभित्र चर्को बहस हुँदा सुवेदीले एमसीसीको पक्षमा धुँवादार वकालत गरेका थिए । अहिले उनलाई त्यसवापत महत्वपूर्ण नियुक्ति प्राप्त भएको कांग्रेसका एक नेताले बताए ।
टिप्पणीहरू