खेलकुदमन्त्री बिरामी खेलाडी भेट्न अस्पतालमा
युवा तथा खेलकुदमन्त्री महेश्वर गहतराजले एसियाली खेलकुद तयारीको प्रशिक्षणमा घाइते भएकी राष्ट्रिय फुटबल टिमकी कप्तान रेणुका नगरकोटीको उपचारमा कुनै कमी हुन नदिने प्रतिबद्धता व्यक्ति गर्नुभएको छ । आज ललितपुरको बीएण्डबी अस्पतालमा उपचाररत उनको स्वास्थ्य अवस्थाबारे जानकारी लिँदै उहाँले उक्त प्रतिबद्धता जनाउनुभएको हो ।
राष्ट्रिय खेलकुद परिषद (राखेप) ले आयोजना गरेको बन्द प्रशिक्षणका क्रममा घाइते भएकी रेणुकाको क्यारिकल बोन (ब्यूटी बोन) भाँच्चिएको थियो । अस्ति साँझ उनको शल्यक्रिया गरिएको हो ।
मन्त्री गहतराजले शल्यक्रिया र उपचारपछि नगरकोटीलाई छिट्टै मैदानमा फर्केको हेर्न चाहेको बताउनुभयो । उनलाई केही दिनभित्रै डिस्चार्ज गरिने स्पताल प्रशासनले जनाएको छ ।
टिप्पणीहरू