बिदेशको हिमाल चढ्ने जिरेललाई कलमवाला झण्डा हस्तान्तरण
![बिदेशको हिमाल चढ्ने जिरेललाई कलमवाला झण्डा हस्तान्तरण](https://janaaastha.prixacdn.net/media/albums/lalbahadur-jirel-jhanda-kalam-samajwadi1_crXK0dCUU3.jpg)
नेकपा (एकीकृत समाजवादी) का अध्यक्ष माधवकुमार नेपालले हिमाल आरोही लालबहादुर जिरेललाई पार्टीको चुनाव चिन्ह कलम अंकित झण्डा हस्तान्तरण गर्नुभएको छ । आज बिहान केन्द्रीय कार्यालय आलोकनगरमा आयोजित कार्यक्रममा नेपालले जिरेललाई सफलताको शुभकामनासहित झण्डा हस्तान्तरण गर्नुभएको हो ।
सर्वोच्च शिखर सगरमाथासहित साना,ठूला थुप्रै हिमालको सफल आरोहण गरिसक्नुभएका जिरेल किर्गिस्तानको लेनिन पिक चढ्न किर्गिस्तान जान लाग्नुभएको र उक्त हिमालमा नेकपा (एकीकृत समाजवादी) पार्टीको चुनाव चिन्ह कलम अंकित झण्डा फहराउने इच्छा ब्यक्त गर्नुभएकोले झण्डा हस्तान्तरण गरिएको हो ।
अध्यक्ष नेपालले दोलखाको जिरी निवासी जिरेललाई आरोहण सफलताको हार्दिक शुभकामना सहित नेपालको पहिचान गराउन गरेको प्रयासको प्रशंसा गर्नुभयो ।
टिप्पणीहरू