ऋण मोचनको माग गर्दै पेरिसमा अनौठो बिरोध (भिडियोसहित)
हिजो सोमबार जलवायु अभियानकर्मीले अन्तर्राष्ट्रिय मुद्रा कोष (आइएमएफ) को पेरिसस्थित कार्यालयको ढोकामा गमले आफ्नो हात टाँसेर कर्मचारीलाई कार्यालय प्रवेशमा रोक लगाएका छन् । उनीहरुले जलवायु परिवर्तनबाट परेको असरसँग जुध्ने कार्यम सहयोग पुर्याउन विकासोन्मुख देशहरूको ऋण खारेज गर्न माग गर्दै उक्त कार्यक्रम गरिएको हो ।
पेरिसको विरोध कार्यक्रम ‘जलवायुको लागि ऋण’ विश्वव्यापी अभियानको एक हिस्सा रहेको बताउँदै उनीहरुले हिजोदेखि जर्मनीमा भेला भएका विश्वका धनी देशका सत्तारुढ नेताहरुको ध्यानाकर्षण गराउन गरिएको बताइएको छ ।
जी ७ शिखर सम्मेलनमा भाग लिइरहेका धनी र विकसित राष्ट्रका नेताहरूलाई गरिब र मुलुकहरूको ऋण मोचनको आग्रह गर्दै उक्त अनौठो विरोध कार्यक्रम गरिएको आयोजकहरुले बताएका छन् ।
विरोधको क्रममा एक्स्टिङ्सन रेविलिओन, युथ फर क्लाइमेट र ३५० ओआरजी संस्थाका कार्यकर्ताले भवनको प्रवेशद्वारमा आफ्ना हातलाई गम लगाएर काँचको ढोकामा टाँसेका थिए । बाहिर बसेका प्रदर्शनकारी पनि प्रहरीले आफ्नो हात छुटाउन नसकोस भन्दै ट्युबभित्र हात समातेर भुईंमा पलेटी कसेर बसेका थिए ।
समूहले जी ७ जिम्मेवार, मुद्रा कोष दोषी लेखिएको ब्यानर प्रदर्शन गरेका थिए ।
श्रोत: एएफपी र अन्य समाचार एजेन्सी
टिप्पणीहरू