दिल्ली उडेको जहाजमा आगलागी, आकस्मिक अवतरण
भारतको बिहार राज्यको राजधानी पटनाबाट नयाँ दिल्लीका लागि उडेको जहाजमा आगो लागेको छ ।
स्पाइसजेटको उडान नम्बर एसजी ७२३ को विमानमा केहीबेर अघि आगलागी भएको हो । इन्जिनमा आगो लागेपछि विमानलाई फर्काएर पटना विमानस्थलमा आकस्मिक अवतरण गराएइको छ ।
एक सय ८५ यात्रु सवार विमान स्थानीय समयअनुसार मध्यान्ह १२ बजेर ४ मिनेटमा दिल्लीका लागि उडेको थियो । आकाशमा पुगेपछि प्राविधिक त्रुटि देखियो र पटना फर्काउने क्रममा विमानको इञ्जिन दनदनी बलेको हो ।
अन्तर्राष्ट्रिय सञ्चारमाध्यमले बताएअनुसार विमानका सबै यात्रुको सकुशल उद्धार गरिएको छ । विमानको बायाँ पखेटामा आगो लागेको हो ।
स्थानीयले विमानमा आगो लागेको देखेपछि विमानस्थलका अधिकारीहरुलाई खबर गरेका थिए ।
टिप्पणीहरू