छुरा प्रहारमा संलग्न एक जना समातिए, तीन जना फरार

सल्यानको शारदा नगरपालिका–२ जोगदेखोलाका १८ वर्षीय ओपेन्द्र केसीलाई छुरा प्रहार गर्नेमध्ये एक जना पक्राउ परेका छन् । प्रहरीले सोही वडाका १८ वर्षीय युवराज बुढाथोकीलाई लुकेर बसेको अवस्थामा पक्राउ गरेको हो ।

दश जोड दुई कक्षाको परीक्षा दिएर पुरानो बसपार्कस्थित एउटा होटलमा खाजा खाइरहेका केसीलाई हिजो दिउँसो रुपेश बुढाथोकी, विवश हमाल र सागर पुनले छुरा प्रहार गरेका थिए ।

पक्राउपछि बुढाथोकीलाई जिल्ला अदालतमा म्याद थप गरिएको छ । अन्य तीन जनाको खोजी भइरहेको प्रहरीले जानकारी दिएको छ ।

घाइते केसीको नेपालगञ्जमा उपचार भइरहेको छ । उनको दाहिने हात र कोखामा गम्भीर चोट लागेको बताइएको छ ।